شه‌فه‌ق نيوز/ تميم بن حه‌مه‌د ئال سانى، مير قه‌ته‌ر، ياساى تازه‌يگ ده‌ركرد ك له‌تى بڕيگ خاسسازى كريا له‌باره‌ى خزمه‌ت له‌ سوپاى قه‌ته‌رى و ماوه‌ى خزمه‌تكردن له‌ 3 يا 4 مانگه‌و به‌رزه‌و كرد ئه‌را ساڵيگ و رێ وه‌ ئافره‌ته‌يليش دا سه‌ربازى بكه‌ن وه‌شيوه‌يگ ئختيارى ئه‌را ئه‌وانه‌گ ته‌مه‌نيان ره‌سيه‌سه‌ 18 ساڵان.

له‌ى باوه‌ته‌و، ئاژانس هه‌واڵه‌يل قه‌ته‌رى"قنا"وت: ئى ياساى ك شماره‌ 5 ساڵ 2018 هه‌ڵگرتگهو دويه‌كه‌ چوارشه‌ممه‌ ده‌رچيه‌، جيوه‌جى ئه‌كريه‌ێد و له‌هه‌مان رووژ بڵاوكردنى له‌ رووژنامه‌ى فه‌رمى كار وه‌پى ئه‌كريه‌ێد.

جى باسه‌، ئى ياسا زيايبوين ماوه‌ى خزمه‌ت نيشتمانييش ئه‌گرێده‌و ئه‌را ماوه‌ى ساڵيگ ئه‌را ئه‌وانه‌گ ته‌مه‌نيان 18 ساڵه‌ يا باوه‌ڕنامه‌ێ ناوه‌ندى گشتى"به‌كالۆريا" يا زانكۆ و په‌يمانگايش ته‌مام كردنه‌، يه‌يش دوياى ئه‌وه‌گ ماوه‌ى خزمه‌تكردن 3 تا 4 مانگ بوێ له‌ ياساى وه‌رين ئه‌و وڵاته‌.