شەفەق نیوز - تەهران

سەرۆک ئەنجومەن شورای ئیران، محەمەد باقر قاڵیباف، ئمڕوو چوارشەممە، وت "ئەمریکییەیل وتن نە ئەرا جەنگ و ئیمەیش پشتگیری ئێ هەڵوێستە کەیمن"، لە وەڵامدانیگ لەبان دۆڕانن پات کۆماری لە هەڵوژاردنەیل نیمەی خول ئەمریکی.

قسەی قاڵیباف لە بڵاوکراوەیگ وەبان سەکوو "ئێكس" هات، لەدویای ئەوەگ سەرۆک ئەمریکا ترەمپ باس  ئەوەگ کرد  جەنگ لەبان ئیران رۆڵ داشت لە دۆڕان کۆمارییەیل لە ماوەی هەڵوژاردنەیل نیمەی خولەگە.

ئەنجامەیل سەرەتایی ئەرا هەڵوژاردنەیل ئەنجومەن نوێنەرەیل ئەمریکا، شەوەکی ئمڕوو چوارشەممە، دەرچگ دیاری کرد پارت دیموکرات   255 کورسی وەدەسهاورد، لە وەختیگ رکابەر نەریتییەگەی، حیزب کۆماری، 180 کورسی دەسیکەفت.