لە ئەنجام جەنگەگە هەزاران کەس کوشیا و هەشت ملیۆن کەس ئاوارەبوین وەپای وەڵاتە یەکگرتگەیل، سوودان چگە ناو "یەکیگ لە بەدترین بارودۆخەیل خوەراک لە جەهان" وەپای ئەوەگ وەڕێوەبەر ناوخوەیی رێکخریاگ "سەێڤ زە چلیدرن"، عارف نور لە بەیانیگ راگەیان.

وە پشت بەسین وە رێکخریاگیگ ناحکومی " زیاتر لە 2.9 ملیۆن زاڕوو وەدەس بەدخوەراکی ناڵن، و729 هەزار زاڕوو خوار پەنج ساڵ هانە ژیر بەدخوەراکی تونیگ" کە یەکیگە لە بەدترین جویرەیل  ورسگی.

لە سەرەتای مارس بەرنامەی خوەراکی جەهانی هووشداریدا لە بازنەی جەنگ لەناو سوودان " کە گەپترین قەیران ورسگی لە جەهان دروسکردیە"  لە وڵاتیگ کە شایەت گەپترین قەیران ئاوارەبوینە لەبان ئاست ناودەوڵەتی.

پەلامارداین مەدەنیەیل و ویرانکردن ژێرخان ئابووری و دەسدرویژی و تاڵانکردن و ئاوارەکزدن زورەملی و رووژانە سزانن ئاوایەیل کاریگەری وەبان 48 ملیۆن سوودانی دروسکردیە.

نور وتیش، دەرئەنجامەیلی درویژخایەنە، ئاشکەرایکرد "نەبوین وەرز کشاوەرزی لە ماوەی پارەکە وەمانای نەبوین خوەراک تێد لە ئمڕوو، و نەکاڵین توەێم لە ئمڕوو وەمانای نەداشتن خوەراک لە سوو تێد".