شەفەق نیوز ـ بەغدا

قسەکەر وەزارەت دەرەوەی قەتەر ماجید ئەنساری، ئمڕوو دووشەمە، دووپاتکرد، جەنگ وەگەرد ئیران نیشاندا وڵاتە عەرەبیەیل کەنداو نیەود تەنیا پشت وە هاوبەشی  ستراتیژی وەگەرد ئەمریکا بوەسن ئەرا   پاراستن ئاسایش خوەیان.

ئەنساری، لە کۆبوونەوەیگ گفتوگۆیی لە چوارچمگ کۆربەن هێلی لە ئەبووزەبی، وت: "هەبوین هێزە ناودەوڵەتیەیل لە ناوچەگە و دامەزرانن هاوبەشییگ ستراتیژی وەگەد ئەمریکا فرە گرینگە، باوجی بەس نییە".

وتیش: "بایەت لە ناوچەی کەنداو برەسن کە پشتبەسان خوەمان لە مژار ئاسایش، تەنیا رێگایە ئەرا وەردەوامبوین لە وەرەونواچگن".

وڵاتەیل کەنداو لە کۆتایی مانگ شوبات/فێبریوەری 2026ەو، رویوەروی  پەلامارەیل دوارە و خەسیگ وە   مووشەک بالیستیکی و فڕۆکە بیفرۆکەوانەیل ئێران بویە ، لەسەرەتای وەرورویبوینەوەیگ سەربازی گشتی کە لە ناوەین ئیران لە لایەک و ئەمریکا و ئیسرائیل لە لایيگ تر دەس وە پێکرد.