شەفەق نیوز/ پڕۆفیسۆر جان فڕاسوا دیلڤڕیسی وەرپرس ئەنجومەن زانستی فەڕەنسا، ئمڕوو جومعە، دووپاتکرد ک پەتای کۆڕۆنا لە وڵاتەگە کەفتە ژیر کۆنتڕۆڵ.
وە مردن ٢٩ هەزار کەس وە نەخوەشیەگە لەوەخت بەڵاوبوینی ،فەڕەنسا بیه یەکیگ لە زەرەدمەنترین وڵاتەیل ئۆرۆپا لە پەتاگە.
پڕۆفیسۆرەگە وت؛ هیمان ڤایڕۆسەگە هەسەی، وه‌تایبەت لە بڕیگ لەناوچەگان، بەڵکم ئیسە بڵاوبویی یەواشە، ودیاری کرد ک وەرەودویاچگن گەورایگ دوینیمین وگشت ئامێره‌یل ئاشکراکردن تویشهاتن نوو دیرێمن، وتاقیگه وسیستم تەواوەتی ئەرا کەرەنتین و چەودێری کەسەیل تێکەڵبوی دیرێمن، ک هەڵبەت هیلێد نواگیر بەڵاوبوینی بوود.
دویەکە پەنجشەممە، ئەنجومە زانستی راسپێردراگ بڵاوکرد ك رینمایی دریاسه دەسڵات گشتیەگان لەباوەت قەیرانە گریەدریایەگە وە نەخوەشی کۆڤید ١٩ ، وە قسەی نوویگ ک تەمەی وە ئامادەکاری کەێد ئەرا مانگەیل هاتگ و چوار ئەگەر لەسیناریۆها ناوی.
پڕۆفیسۆر دیلڤیرسی وت؛ بڕوا دیرێمن ک یەکەمین سیناریۆ ( پەتا هاژیر کۆنتڕۆڵ) وەپەسەن ترە، ک پەیوەندی وە ئەنجامەیل کەرەنتین دیرێد، و راسیەگەی ئەوەس ک ڤایڕۆسەگە شایەت وه شیوه‌یه‌گ کارگەری گەرمی لەبانی.
وهەژمار بیمارەیل روژانە لە فەڕەنسا لە ژوورەیل چەودێری ورد وەردەوام وەرەو کەمەوبوین چوود. ئی وه‌خته ته‌نیا دەور هەزار بیمار لە رەوش مەترسین، وەرانوەر زیاتر لە ٧ هەزار وەرجە دوو مانگ.