شه‌فه‌ق نيوز/ ريكخرياگ "ئۆكسفام" وشدارى دا له‌وه‌گ نيم مليار كه‌س زيايه له جه‌هان ئه‌كه‌فنه ژير خه‌ت فه‌قيرى له ئه‌نجام بڵاوبوينه‌وه‌ى په‌تاى كۆرۆناى تازه له حاڵه‌تيگ ئه‌گه‌ر هه‌ڵه‌په‌ڵه نه‌كريه‌ێد له كاراكردن پلانه‌يل ئه‌را پشتگيرى ئه‌و ده‌وڵه‌ته‌يله ك فه‌قير حاڵن.
ئه‌و ريكخرياگ ناحكوميه له راپۆرتيگ وه ناونيشان "نرخ كه‌رامه‌ت"، باس له‌وه كرد ك له‌ناونى 6 و 8% له مه‌ردم جه‌هان ره‌سنه حاڵ ئه‌وانه‌گ له‌ژير خه‌ت فه‌قيرى ژيه‌ن، ئه‌ويش دوياى ئه‌وه‌گ حكومه‌ته‌يل خول ئابووى وه ته‌واوى وساننه له‌وه‌ر ريگرى له بڵاوبوينه‌وه‌ى ڤايرۆسه‌گه.
جى باسه، ئه‌و راپۆرته وشدارييش دا له‌وه‌گ ئى مه‌سه‌له دوير نيه له‌ناوبردن فه‌قيرى له‌بان ئاست جه‌هان 10 ساڵ بووه‌يده دوياوه‌و ته‌نانه‌ت 30 ساڵ له به‌عزه ناوچه‌يليگ جوور ئه‌فريقيا له باشوور بياوان و خوه‌رهه‌ڵات ناوين و باكوور ئه‌فريقيا، هه‌ر وه‌و خاتريشه ريكخريايه‌گه داوا كرد ئمساڵ ده‌س له‌و قه‌رزه‌يله هه‌ڵگريه‌ێد ك ها بان ئه‌و ده‌وڵه‌ته‌يل فه‌قيره.