شەفەق نيوز/ وەرپرسەیلیگ باس کردن ک سەرکردەی سەرباری لە بزووتنەوەی تاڵیبان حەمدەلڵا موخڵس لەناو ئەو جەنگاوەرەیلە بۊین لە وە پەلامار داعش لەبان خەسەخانەیگ لە کابوڵ پایتەخت کوشیان.
وەرپرسەگە لە دەزگای راگەیانن بزووتنەوەی تاڵیبان وت: هەنای خەور رەسیە پیمان ک خەسەخانەی سەردار داود خان کەفیەسە وەر پەلامار، مەولەوی حەمدەلڵا موخڵس فەرماندەی کەرت کابوڵ وەکوتپڕ رەسیە شۊین رووداوەگە.
وتیش؛ تەقەلای نواگیری دایمژ، وەلی خەنێ ، لە کوشیانی لەناو خەسەخانەگە ئاگادار بۊیمن. وەرپرسەیلیگ لە ئەفغانستان وتن: ٢٥ کەس لەلای کەمەو کوشیان و زیاتر لە پەنج تر زەخمدار بۊین لەو پەلامارە ک وە دوو تەقینەوە دەس وەپیکرد، ئیجا چەکدارەیلیگ پەرد بۊینە ناو خەسەخانەگە.
ریخریاگ ”دەوڵەت ئیسلامی- ویلایەت خوراسان“ وەرپرسیارەتی خوەی لەو پەلامارە لەبان خەسەخانەی کابوڵ سەربازی سەرکی ئاشکرا کرد.