شه‌فه‌ق نيوز/ فره‌نسا ئه‌را نوێنه‌ره‌يل ئه‌نجومه‌ن ديموكرات سوريا- باڵ سياسى هيزه‌يل ديموكرات سوريا، جه‌خت له پشتگيريكردن كورد سوريا كرد و هاوكاريكردن وه‌ليانا له‌ساى خوه‌يكيشانه‌وه‌ى هيزه‌يل ئه‌مريكى له سوريا.
راوێژكاره‌يل ئيمانويل ماكرۆن سه‌رۆك فره‌نسا له پاريس وه‌ل شانديگ له ئه‌نجومه‌ن ديموكرات سوريا دانيشتنيگ ساز كردن ك پيكهات له رياز درار سه‌رۆك هاوبه‌ش ئه‌نجومه‌نه‌گه و ئلهام ئه‌حمه‌د سه‌رۆك ده‌سه‌ى جيوه‌جيكار له ئه‌نجومه‌ن، ئه‌ويش له دوياى بڕياره‌گه‌ێ دوناڵد ترامپ سه‌رۆك ئه‌مريكى ئه‌را كيشاننه‌وه‌ى هيزه‌يل وڵاته‌گه‌ێ له سوريا و له‌ساى هه‌ڕه‌شه‌يل توركيا ئه‌را ده‌سوه‌پيكردن ئۆپه‌راسيۆن سه‌ربازى دژ هيزه‌يل كورد له روژهه‌ڵات فورات.
وه‌رپرس له كوشك ئێليزيه وت: ئه‌و راوێژكاره‌يله په‌يام و پشتگيرى خوه‌يان نيشاندانه وه‌ل هاوكاريكردن و باسيش ئه‌را شاند كورد كردنه له‌و دانيشتنه ك وه‌ل ده‌سڵاته‌يل ئه‌مريكى كردنه له‌باره‌ى وه‌رده‌واميداين وه جه‌نگ دژ داعش.