شەفەق نیوز/ فرۆکەیگ نەفرهەڵگر سەر وە کۆمپانیای "ئێر ئیندیا" لە ناوچەیگ نیشتەجیبوین نزیک فرۆکەخانەی ئەحمەد ئاباد لە هیندستان وەخوارکەفت کە زیاتر لە 130 کەس لەناوی بوی.

دەزگا راگەیاننەیل هیندستان راگەیانن، فرۆکەگە سەر وە کۆمپانیای کڕ ئاسمانی هیندیستانە، لەدویای چەن خولەکیگ لە بەرزەوبوینی  لە فرۆکەخانەی سەردار فالهالبهای باتیل ناودەوڵەتی لە ئەحمەد ئاباد ە ولایەت گوجارات لە خوەرئاوای هیندستان وەخوار کەفێد.

فرۆکەگە وەرەو لەندەن چگە 130 تا 242 سەرنشین هەڵگردیە، وەپای سەرچەوەیل جیاواز و رویداوەگە لە دویای وەخت کەمیگ لە بەرزەوبوینی نزیک فرۆکەخانەگە رویدایە.

دیمەنەیلیگ لەبان تووڕەیل کۆمەڵایەتی دەریخەێد شوین رویداوەگە دویکەڵ خەسیگ لەبان فرۆکەخانەگەو بەرزەوبوود، زانیاری سەرەتایەیل دیاریکەن فرۆکەگە نزیک لەناوچەی میغانینا غار لە ئەحمەد ئاباد وەخوارکەفتیە.

دەسڵاتدارەیل هیندستان لێکۆڵینەوە لە هووکار رویداوەگە کەن، دەسکریاس وە ئۆپراسیۆن مینەکردن و قورتارکردن.