شەفەق نیوز/ درۆنیگ مە مەزەنە کریەێد هن هاوپەیمان ناودەوڵەتی بوود، ئیوارەی ئمڕوو یەکشەممە، ماشینیگ لەبان ری ناوەین ناوچەی کەللی و کفتین باکوور ئیدلیب کردە ئامانج.
وەگورەی روانگەی ماف مرۆڤ سوری، پەلامارەگە بویە هوکار رممەی تەقینەوەی بەرزیگ لە ناوچەگە، لەناو باڵگردن خەسیگ لە فڕۆکەیل، وەبی رەسین زانیاری لە بڕ زەرەدەیل.
ئی گورزە لەناو ئۆپەراسیۆنەیل وەردەوام هاوپەیمان ناودەوڵەتی لە باکوور سوریا تیەێد.
جی باسە کە روانگەی سوری لە رووژ جمعە 21 شوبات، وت: فڕۆکەیگ کە مەزەنە کریەێد هن هاوپەیمان ناودەوڵەتی بوود، ماشینیگ لە پشت چێشتخانەی "طيبة" نزیک ئۆتوستراد سرمدا – تەل كەرامە لە ئاوای ئیدلیب کردە ئامانج، کە بویە هوکار وایرابوی ماشینەگە و کوشیان کەسیگ لەناوی.