شەفەق نيوز- تەهران 

پەیوەندییەیل گشتی فریاکەفتن نیشتمانی ئیران، ئمڕوو سێشەممە، ئاشکرای زیایبوین وەڕیژەی 15% لە پەیوەندیەیل بنکەیل فریاکەفتن لە ماوەی 48 ساعەت گوزەشتە کرد، ئەوەیش لە ئەنجام بەرزەوبوین پیسبوین وا و خوەڵوتووز لەە پارێزگایایەیلە کە کاریگەر بوینە.

 ئاژانس تەسنیم ئیرانی وت: پارێزگای تەهران گەورەترین شمارەی ئەرکەیل فریاکەفتن لای ماوە توومار کرد، و لە پارێزگای سمنان کەمترین پەیوەندی توومار کردگە.

دیاری کرد کە بەش گەورەیگ لەو تویشهاتنە چوودەو ئەرا کەمی لە هوشیاری گشتی لەبان رەوشەیل، جویر پیسبوین وای سەخت، و شەپوولەیل گەرمی، و هامشوو ناگرنگ لە دەیشت.

  فریاکەفتن ئیرانی تەمەی مناڵ و گەورە تەمەنەیل و بیمارەیل دڵ و هەناسەدان کرد تا توەنن لە ماڵ نەچنە دەیشت.

دویەکە دووشەممە، فەرمانگەی مقیەتیکردن ژینگە لە شار تەهران، دووپات کرد کە پایتەخت ئیران ئەوەسا زیان خوەڵوتووز بیزارکەر تا کۆتاێێ تاوسان وەخوەی دوینێد.

هەرلیوا، دەسەی پزشکی لە یەکێتی تووپان ئیران، دویەکە دووشەممە، وسانن گشت بازیەیل و ڕاهێنان تووپان لە تەهران راگەیان، لەوەی بەرزەوبوین نشانەیل پیسبوین وا و خوەڵوتووز.