شەفەق نیوز/ ئیزگەی فەرمی تەنزانیا، ئمڕوو یەکشەممە، وت: فڕۆکەیگ گەشتی کەفتە ناو دەریاچەی ڤیکتۆریا مەوقەیگ خوازیە بنیشێدەو، لەناو کەشوهەوای سەختیگ لە فڕۆکەخانەیگ لە شار بوکۆبا لەبان دەریاچەگە.
وتیش: تا ئیسە ١٥ کەس رزگار کریانە، باوجی شمارەی ئەو کەسەیلە لەناو فڕۆکەی کۆمپانیای (پرسیشن ئایەر) نیەزانن، و ئایا کوشیاگ هاناویان یا نە.
راپۆرتەگە وتیش: فڕۆکەگە لە فڕۆکەخانەی دار سەلام هەڵسیا و کەفتە ناو دەریاچەی ڤیکتۆریا وەی شەوەکەیە لەوەر گەردەلویل و واران رفت.
وینەیلیگ لەبان سۆشیال میدیا نشان فڕۆکەگە دان ک وتەواوی لەناو ئاوەگە نقوم بیە، تەنیا دویەچگی لەبان دەریاچەی ڤیکتۆریا دیارە.
ئیزگەی تەنزانیا وتیش: دەسەڵاتەیل بەلەمەیل رزگارکردن کلکردن و دەسکردنە مینە و رزگارکردن.