شەفەق نیوز/ دەزگای فریاکەفتن نەرویج، خەوەردا ک فڕۆکەیگ سەربازی ئەمریکی، چوار کەس لە تیمەیلی لەناو بۊی، لەمەوقەی بەشداریکردنی لە راهێنان هاوپەیمان باکوور ئەتلەسی، کەفتە خوار.  

دەزگای "ئێچ ئار ئێس" لە بەیاننامیگ وت: فڕۆکە ئەمریکیەگە لە چین ئۆسبری،  لە باکوور نەرویج،  لەناو کەشەوهەوای بەدیگ گوما بۊی. 

تیمەگەی ک  چوار کەس بۊین، لەناو راهێنان "گۆڵد ریسبۆنس" سەربازی وەگەرد نزیکەی ٣٠ هەزار سەرباز لە دەوڵەتەیل ناتۆ وەگەر سوید و فینلەندا بەشداری کردن. 

بەیاننامەگە وتیش: ئەندامەیل رزگارکردن لەمەوقەی مینەکردن لە ئاسمانەو،  نشانەیل فڕۆکەگە لەناوچەگە پەیا کردن، باوجی کەشوهەواگە فرە گەن بۊی، ک توانای داوەزین نەیاشتن.  

وتیش: تیمەیل فریاکەفتن و پۆلیس رۊی وەرەو ئەو ناوچە کەن.   

لەلای خوەییش، سوپای ئەمریکا دووپات کرد ک فڕۆکەیگ سەروە هێزەیل پیادەی دەریاوانی کەفتە وەر رۊداویگ لەمەوقەی راهێنان لە نەرویج.