شەفەق نیوز/ فڕۆکەوانیگ لە چەک ئاسمانی ئەمریکا، کویەی کەفتن فڕۆکەی جەنگی "ئێف-35" یەک نەفەری لە سەربازگەی ئاسمانی ئیلسون لە ئەلاسکا قورتار بوی.

عەقید بۆڵ تاونسند، فەرماندەی باڵ جەنگاوەر  354، ئەرا رووژنامەنویسەیل وت: فڕۆکەوانەگە تویش گیچەڵیگ هات لە فرۆکەوانی، وەلێ توەنست وەبیوەی باز بکوتێد.

وتیش: فڕۆکەگە لە نیشتنەوە لەناو سەربازگەی ئاسمانی ئیلسون شکیا.

 تاونسند دیاری کرد کە کاپتنەگە وەرجە رویداوەگە فریاکەفتن راگەیان، و ئیرنگە ئارامە، و کەفتیەسە ژیر وەشکین تەندروسی.

چەک ئاسمانی ئەمریکی لە بەیاننامەیگ وت: رویداوەگە نزیک ساعەت 12.49نیمەڕو یەکشەممە بویە، و زەرەدەیل گەورەیگ وە فڕۆکەگە رەسانیە.

 تاونسند وتیش: کاپتنەگە بەشداری لە راهێنان رۆتینی کردیاد لە ئاسمان ناوخوەیی هەناێ رویداوەگە بوی، و دووپات کرد کە هیزەیل ئاسمانی ئەوەسا لێکۆڵینەوەی گشتگیر ئەنجام دەێد ئەرا کەمکردن دەرفەتەیل دووارەبوین ئیجور رویداویگ لە بانان.