شەفەق نیوز/ میدیایل ئەمریکی، خەوەردان لە زەخمداربوین 5 کەس لە ئەنجام تەقەکردن لەناو کەرنەڤاڵ "ماردي گرا" لە شار فرانكلينتون لە ویلایەت لويزيانای ئەمریکا.

وەگورەی میدیایل، پولیس وت: کەسیگ گومان لەلی کریاس دەسگیر کریا، وەناو جايمريان ئەندرس لە تەمەن 18 ساڵان، وتوومەت پەنج تەقەلای کوشتن پلەی یەکەم. 

رویداوەگە نزیک شوین نمایشکردنەگە بوی، کە پولیس مەزەنە کەێد ئەو تەقەکردنە پەیوەندی وە وەردەوەردەی ناوەین باندەیل دیرێد.

 راپۆرتەیل نشان دان کە سێ زەخمدار هیمان هانە خەسەخانە، یەکیگیان زەخمەگەی سەختە، و دووان تەندروسییان ئارامە، و ئەو زەخمدارەیل دویای وەرگردن چارەسەری لە خەسەخانە دەرچگن.

بە رویداویگ جیا، پولیس دوو ناخاڵە دەسگیر کرد لەو شوینە چەک وە دەسیان بویە لەناو ناوچەیگ مەکتەوی، و ئی رویداوە وەرجە ئەو تەقەکردنە بوی کە پەنج کەسەگە زەخمدار کرد.

 پولیس هەمیش کەسیگ دەسگیر کرد تفەنگ AR-15 وپی بویە، ئەوەیش دویای رەسین زانیاری لە ئەگەر هەڕەشەیگ، و هیمان دیار نییە ئەگەر پەیوەندی وە رویداو تەقەکردنەگە داشتوود.