شەفەق نیوز - وەدویاچگن
رووژنامەی "فایننشال تایمز"ی بەریتانی، ئمڕوو چوارشەممە، ئاشکرا کرد سەرۆک وەزیرەیل ئیسرائیل بنیامین نەنتنیاهو پلان ئەرا ئەنجامدان پەلاماریگ سەربازی فراوانیگ وەبان ئیران داشت لە دەی تشرین یەکەم (ئۆکتۆبەر) ئیسە، باوجی سەرۆک ئەمەریکا دۆناڵد ترەمپ دژایەتی جیوەجیکردن پەلامارەگە کرد، لە رخ نووەوبوین جەنگ وەرجە هەڵوژاردنەیل نووکردن نیمەیی کۆنگرێس ئەمەریکی کە بڕیارە لە سێی تشرین دویەم (نۆڤەمبەر) ئایندە وەڕێوە بچوو.
رووژنامەگە لە سێ کەس ئاگادار لە پلانەیل گواستەو، سوپای ئیسرائیل خوەی ئەرا جیوەجیکردن پەلاماردانیگ ئامادە کرد کە چەن رووژیگ کیشا، و وێستگەیل وزە و بنکەیل ئەتۆمی و شوونەیل پەیوەنیدار وە رژێم ئیرانی، و بێجگە لە ژیرخانەیل ئابووری مەدەنی بکەێدە ئامانج.
وەپای راپۆرتەگە، ئەو پەلامارە کە پلانی نریابوی ئامانج لە جیوەجیکردن گورزەیل توونتریگ بوی لە پەلامارە سەربازیەگەی ئەمەریکا ئیسرائیلی کە لە شوبات گوزەشتە دەسوەپیکرد، و دیار نییە کە ئایا ویلایەتە یەکگرتگەیل راستەوخوەی بەشداری لە پڕۆسەگە کەن یا نا.
رووژنامەگە دیاری کرد پڕۆسەگە جیوەجینەکردن وە مدوو دژایەتی ترەمپ ئەرا دەسوەێکردن جەنگ وەرجە هەڵوژاردنەیل ئەمەریکا، لە وەختێگ هەردوگ لایەن وەردەوام بوین لە هەرەشەکردن ئەرا توانای ئەنجامدان پەلامارەیل نوو وەبان ئیران.