شەفەق نیوز/ کۆمپانیای فڕۆکەوانی خوەرهەڵات ناوڕاس راگەیان کە کاروانەیلی وەرەو عراق رانێد و لە ئاسمان سوریا دویرەو کەفێد.
یەیش هەرچەن کڕەیل ئاسمانی عراقی ئمڕوو بڕیار دا کاروانەیل ئاسمانی وەرەو لوبنان بووسنێد، لە ئەنجام رویداوەیل ئەمنی لە سوریا، دویای رمانن رژیم ئەسەد وەلایەن گرووپە چەکدارەیل ئۆپۆزسیۆن.
کۆمپانیاگە لە بەیاننامەیگ وت: لە دویای ئەو پەیوەندییەیلە کە رەسینە کۆمپانیای فڕۆکەوانی خوەرهەڵات ناوڕاس - کڕەیل ئاسمانی لوبنانی لەبان رانین کاروانەیل وەرەو عراق، گرنگە لەلامان دووپات بکەیمن کە گشت کاروانەیل ئەرا رووژ یەکشەممە ٨ کانوون یەکەم ٢٠٢٤ کە وەرجەیە وەختەیلیان دیاری کریاس لە بەیروت ئەرا عراق بچن، ئەوەیش دویای دویرکەفتن لە ئاسمان سوریا.
کاروانەیل کۆمپانیاگە ئەرا ئمڕوو یەکشەممە دوو کاروانە ئەرا بەغداد و یەکیگ ئەرا هەولێر و یەکیگ ئەرا هەولێر.
جی باسە کە کاروانەیل ئاسمانی لوبنان دویای رویداوەیل باشوور لوبنان وەرەو عراق وەتەواوی وسیان.