شەفەق نیوز/ دەسەڵاتەیل فیلیپین، ئمڕوو دووشەممە، دەسکردنە دەرکردن هەزاران کەس لە 2500 ئاوای لە باکوور وڵاتەگە، ئەوەیش وەگەرد هەڕەشەی رەسین زریانیگ ترەک ئەرا ئەو ناوچە، کە لە لافاوەیل و رمیان زەوی لە ئەنجام سێ زریان وەماوەی کەمتر لە یەک مانگ زەردمەن بویە. 

مەزەنە کریەێد زریان توراجی وەبان ناوچەی لۆزۆن رەد بوود، کە دویەکە یەکشەممە، فردیناند مارکۆس جونیۆر سەرۆک فیلیپین رەسیە ئەو ناوچە تا زەرەدەیل دویاترین زریان بوینێد، و خوەراک ئەرا دانیشتگەیل بەشەو کرد.

شەوەکی ئمڕوو دووشەممە، زریان توراجی وە جویلەی تونیگ وەدویری نزیکەی 100 کیلۆمەتر لە ناوچەی كاسيجوران لە کەرت ئۆرورا بوی، و تونی واگەی رەسیە 130 کیلۆمەتر لە ساعەتیگ.

مەزەنە کریەێد وەبان ناوچەی لۆزۆن روی وەرەو خەەرئاوای وڵاتەگە بکەێد، و هەناێ لە زنجیرە کویەیل رەد بوود، وەرجەیەگ روی وەرەو دەریای چین بکەێد، تونیەگەی کەمەو بوود.

جونفیک ریمۆلا وەزیر ناوخۆ، فەرمان چووڵکردن 2500 ئاوای دا، کە مەزەنە کریەێد زریان توراجی وەپی بڕەسێد.