نویسینگەی راگەیانن حکومی لە بەیاننامەیگ وت: “تیرۆرکردن سەرۆک شارەوانی ئەلموغازی، حاتم ساڵح ئەلغامری، وەگەرد بڕیگ هاووڵاتی مەدەنی، وە گورزیگ ئیسرائیلی کە ڕاستەوخۆ بینای ئەنجومەن خزمەتگوزارییە هاوبەشەیل شارەوانییەیل پارێزگای ناوەندی، ڕاستەوخۆ و وەبی ئاگادارکردن، تاوانیگ جەنگییە کە ئامانج لەلی دروسکردن ئاژاوەس و بەرزکردن قەیرانەیلە".
لە بەیاننامەگە وتیش "ئی تیرۆرە ترسنۆکانە کەفێدە چوارچیوەی ئەو جەنگە کۆمەڵکوژییە کە داگیرکاری ئیسرائیل دژ خەڵک سڤیل لە کەرت غەززە ئەنجامدریاس، و نشانەس ئەرا ئەو رەوش بیدەسەڵاتی و سەرلیشیواوییەی سەرکردەیل داگیرکەر ئەزموونی کەن، وەتایبەتی لە وەئامانجگرتن خەڵک مەدەنی وەشیوەیگ خەس مەبەستدار."
لای خوەییش سوپای ئیسرائیل تەسفیەکردن ئەلغامری راگەیان کە وە "بورپرس نویسینگەی فریاکەفتن بزووتنەوەی حەماس لە کەمپە ناوەندییەیل" وەسفی کرد.
سوپای ئیسرائیل لە بەیاننامەیگ وت: “وە ئاڕاستەی هەواڵگری سەربازی ئیسرائیل، فڕۆکە جەنگییەیل ئیسرائیل رووژ دووشەممە حاتەم ئەلغامریی کوشت”.