شەفەق نیوز/ سەرچەوەیگ ئەمنی وەرپرس، شەوەکی ئمڕوو جمعە، خەوەردا کە فرۆکەیل جەنگی تورکیا، گورزەیلیان وەبان شوینەیل پەکەکە و یەپەشە لە قەزای شنگال خەسەو کردن.

سەرچەوەگە ئەرا ئاژانس شەفەق نیوز وت: ئەو گورزەیلە شوین تونێل و بارەگایل و خاڵەیل سەربازی پەکەکە و یەپەشە لەناو ناوچەی کویەی شنگال و ناوچەی بارە و کویەی میرا کردنە ئامانج.

وتیش: ئەو گورزەیل ئاسمانیە تا شەوەکی ئمڕوو جمعە وەردەوام بوین، وەبی ئاشکراکردن زەرەدەیلیان.

لە پیرەکە چوارشەممەو، هیزەیل تورکیا زنجیرەیگ لە گورزەیل ئاسمانی وەبان شوینەیل پەکەکە لە باکوور عراق و سوریا جیوەجی کردن، ئەوەیش لە وەڵامدان ئەو پەلامار چەکدارە کە رەسیە پیشەسازی فڕۆکەوانی و ئاسمانی لە ناوچەی کهرمان کازان لە ئەنقەرەی پایتەخت تورکیا.