شەفەق نیوز/ وەزارەت دەرەوەی فەرەنسا، ئمڕوو پەنجشەممە، گلەوداین ١٥ ژن و ٤٠ زاڕوو راگەیان ک لەناو کامپەیل باکوور خوەرهەڵات سوریا دەسوەسەر کریاوێن.

وەزارەتەگە لە بەیاننامەیگ ئاژانس فرانس پڕس بڵاوی کرد وت: ناخاڵەیل دریانە دەس دەزگایل ئیوەتکردن مناڵەیل، و ئەوەسا کەفنە ژیر چەودیریکردن پزشکی کۆمەڵایەتی، و گەورەیلیش دریانە دەسەڵاتەیل دادوەری پەیوەندیدار.

لە سیبتەمبەر گوزەشتە، فەرەنسا راگەیان ک ئامادەس ئەرا نووڕینیگ وە گلەوداینیگ زیاتر لە خیزانەیل  تونەڕەوەیل هەرچەنی دەرفەت ئەوە بوی، و دیاری کرد ک زانیاری وەرگرد لە تاوانبارکردنی لەلایەن دادگای ئەوروپا ئەرا ماف مرۆڤ لەی باوەتە.