شەفەق نيوز/ وەزارەت ناوخۆی فەرەنسا، ئمڕوو یەکشەممە، کوشیان دوو کەس و زەخمداری نزیکەی 192 راگەیان، وەگەرد دەسگیرکردن 500 کەس لەناو ئاهەنگ سەرکەفتن پاریس سان جێرمان وە نازناو خول پاڵەوانەیل ئەوروپا.

ئاهەنگ قەرەباڵغ و دەنگ بەرزیگ لە گشت شوینەیل پایتەخت فەرەنسا و دەورگردی شەو شەممە دەسوەپی کرد، دویای سەرکەفتن سان جێرمان لەبان رکابەری ئینتەر میلان ئیتاڵی، وە ئەنجام 5 - هویچ، تا یەکەمین نازناوی لە خول پاڵەوانەیل ئەوروپا وەربگرێد، وەلێ نزیکبوی وەردەوەردە وەرانوەر پولیس سای خوەی بخەێدە بان ئەو ئاهەنگەیلە.

مەزەنەیل سەرتایی وەزارەت ناوخۆ تا شەوەکی ئمڕوو باس دەسگیرکردن 559 کەس کردن لەناویان 491 کەس لە پاریس، کە هیشت 320 کەس لەلای پولیس بەندی بکریەن، لەناویان 254 کەس لە پایتەخت.

جادەی شانزلیزێه شکانن شوینەیل وسیان پاسەیل و وەشانن چشت وەبان پولیس ئاژاوە وەخوەی دی، کە گاز ئەسرڕشن و لویلەی ئاو وەرەو ئەو بڕە مەردمە وەشان کە وەگەرد داوەزیان هەزاران هاندەر ئەرا ناو ئەو جادە زیایەو بوین کە بڕ گەورەیگ لە دوکانەیل بازرگانی هاناوی.

 وەزارەت ناوخۆ باس هیزگردن سەدان ئاگر کرد، لەناویان سزیان زیاتر لە 200 ماشین، و نزیکەی 22 لە ئەندامەیل ئەمنی و هەفت لە ئەندامەیل ئاگر کپەوکردن زەخمدار بوین.