شەفەق نیوز - پاریس
دەسەڵاتە فەرەنسییەیل، رووژ چوارشەممە، راگەیانن فە دەسگیرکردن 7184 کەس لە دەسکردن ناڕەزایەتییەیل لەبان بەرزەوبۊن خەرجەیل ژیانی لە وەختیگ فەرمانەیل زیندانیکردن لەبان زیاتر لە 460 بەشداربۊ دەرچگن، کە 195 فەرمان زیندانیکردن کردەیی لە ناویان هەس.
وەزیر داد فەرەنسی جیراڵد دارمانان، لە دانیشتنیگ گووشداین لە وەرانوەر لیژنەیگ پەرلەمانی وت، کە شمارەی دەسگیرکریاگەیل بەشەو بوود لە ناوەین 4523 گەورە و 2661 گەنج، وەگەرد وازکردن زیاتر لە 3 هەزار دۆسیە لە ناڕەزایەتییەیل.
وەپەی داتایەیل راگەیانریاگ، فەرەنسا گەورەترین خوەینیشاندان وەخوەی لە ئاست وڵاتەگە لە 17ی تشرین یەکەم/ ئۆکتۆبەر، وە بەشداری نزیکەی 550 هەزار کەس، وەپەی زانیارییەیل وەزارەت ناوخۆ.
ناڕەزایەتییەیل لە ناوڕاس ئەیلول/ سێپتێمبەر دەس وەپی کردۊن، وە بەشداری قوتابییەیل لە قۆناغ ئامادەیی لە دەوروگەرد پاریس ئەرا داواکردن وە خاسەوکردن رەوش مەکتەوەیل، وەرجە ئەوەگ ناڕەزایەتیکەرەیل لەبان بەرزەوبۊن نرخەیل پەیوەندی بکەنە دەسپیچگ، و دریژەو بوون ئەرا ناوچەیل ترەک فەرەنسی.
هێزە ئەمنییەیل غاز ئەسرڕشن و بومبە دەنگییەیل و لویلەیل ئاو وەکار هاوردن ئەرا بڵاوکردن ناڕەزایەتیکەرەیل، لە ناوڕاس فراوانبۊن رووبەر خوەینیشاندانەیل.