شەفەق نیوز- پاریس

حکومەت فەرەنسا، ئمڕوو شەممە، بڵاوکردن نزیک 70 هەزار ئەندام لە پۆلیس و جەندرمە لە ناوچەیل جیاجیای وڵات راگەیان، هاوکات وەرد ناڕەزایەتییەیل چەوەڕێکریاگ دژ وە گرانی گوزەران، لە ناو رخ لە هیزگردن کارەیل ئاژاوەگێڕی لە ماوەی خوەنیشاندانەیل.

وەزیر ناوخوەی فەرەنسا لۆران نونیز وت: دەسەڵاتەیل هەمان رێکارەیل ئەمنی گرنە وەر کە شەممەی گوزەشتە گریانە وەر، و ئاشکرا کرد  پلانە ئەمنییەگە وە نەرمی و خێرایی جواوداین ناسریاگە، وە جۊریگ ری دەێد وە پوڕیان وەگەرد جویڵەی ئەو گرووپەیلە کە رەخداری دروس کەن، کە بەشەو بوون ئەرا گرووپەیل بویچگ و تەقەلا دەن لە چەودێری هێزەیل ئەمنی قورتار بوون.

وەپای سەرچەوەیگ لە پۆلیس، مەزەنە کریەێد لە خوەنیشاندانەیل پاریس پایتەخت لە ناوەین 30 تا 60 هەزار کەس بەشداری بکەن، کە لە ناویان 300 تا 600 کەس لە ناو ئەو چینەیلە دەەبەنی کریانە کە هاتێ  رەخداری دروس بکەن، لە وەختیگ دەسەڵاتەیل مەزەنەی رێکخسن لە ناوەین 50 تا 60 ڕێپێوان لە ناوچەیل جیاجیای وڵات کردن.

نونیز ئاشکرا   سەندیکایل رێڕەو دیاریکریای ئەرا خوەنیشاندانەیل بڕیاردریای رانەگەیاننە، و ئیە وە مدوو نیگەرانی زیاتر زانست، چوینکە رێپێوانەیل لە ژیر چەودێری نیەون، و وەرپرسیارێتی رێکخسنیان ئەرا سەندیکایل خوەنەوارەیل و نوێنەرەیل خوەنەوارەیل خوێندنگەیل ناوەندی وەجی هیشت، کە وە کەم ئەزموونتر وەسفی کردن.

وەزیرەگە وت: "ئیمە لە ئامادەباشی تەواویمن ئەرا رویوەرویبوین ئاژاوەگێڕەیل و دزەیل".

دەسەڵاتەیل فەرەنسا وەرجە ئیسە وە بەشداریکردن 146 هەزار کەس لە خۆپیشاندانەیل شەممەی گوزەشتە لە ناوچەیل جیاجیای وڵات راگەیاندوین، کە لە ناویان 46 هەزار کەس لە پاریس بوین،  ئیەش داوەزیان شمارەی بەشداربویەیل لە جویڵەیل وەرجە ئیسە نیشان دەێد.