شەفەق نیوز - تەهران
دەسەی فڕۆکەوانی شارستانی ئیران، ئمڕوو یەکشەممە، ڕاگەیانن بڕیار دریاگس گەشتە ئاسمانییە ناودەوڵەتییەیل فڕۆکەخانەی مەشهەد لە سوو دووشەممەو دەسوەپیکەنەو.
دەسەگە، وەپای ئاژانس "تەسنیم" ئیرانی، وتیە: "بڕیار دەسوەپیکردن گەشتەیل لە دویای تەواوکردن ڕێکارە تەکنیکی و رێکخراوەییە هەوەجەیل هاتگە"، بی ئەوەگ وردەکاری زیاتریگ بڵاو بکەن.
دەسەی فڕۆکەوانی شارستانی ئیرانی، دویەکە شەممە، وازکردن بەشیگ لە ئاسمان و چەن فڕۆکەخانەییگ ڕاگەیانن، و دیاریکرد کارکردن فڕۆکەخانەیل و دەسوەپیکردن گەشتەیل وە شیوەیگ تەک تەک ئەنجام دریەێد، وەپای ئاست ئامادەیی ئامادەکاری تەکنیکی هەر فڕۆکەخانەییگ، ئەرا دابینکردن بیوەیی و ڕێک و پێکی گەشتە ئاسمانییەیل.
ئیران وەگەرد دەسوەپیکردن جەنگ ئیسرائیلی-ئەمریکی لەبان وڵاتەگە لە 28ی شوبات (فێبرایەر)ی وەرین، وسانن گەشتە ئاسمانییەیلی راگەیان.