شەفەق نیوز/ فڕۆکەیگ بویچگ، لە ویلایەت ماریلاند ئەمریکا، دویای ئەوە ک داگە تاوەر کارەبا، لەبان تاوەرەگە گیر کرد.
وەگورەی ئاژانس ئەسوشیتید پرێس و میدیایل راگەیانن ناوخوەیی، ئەو فڕۆکە ک لە نیویۆرک دەرچگە، داگەسە تەڵەیل کارەباگە لە نزیک مۆنتگمری.
بیت برینگەر قسەکەر خزمەتگوزاری ئاگرکپەوکردن و ڕزگاری لە ناوچەی مۆنتگمری وت: دوو کەس لەناو فڕۆکەگە بوینە، هویچ وەپیان نەهاتیە، و پەیوەندی وەگەردیان داشتیمنە.
ئەو رویداوە کارەبا لە نزیکەی ٨٥ هەزار کرد بڕێد، تا ئەوەنە دەسەڵاتەیل تەقەلای قورتارکردن ئەو فڕۆکەی گیرهاتگە دان.