شه‌فه‌ق نيوز/ ئه‌نتۆنيۆ غوتيريش ئه‌ميندار گشتى نه‌ته‌وه‌يل يه‌كگرتگ باسكرد و وت: ئه‌و هه‌وڵه‌يله ك ئه‌دريه‌ن ئه‌را دژايه‌تى ريكخرياگ ترۆريستى داعش ئاكامه‌يل خاسيگ وه‌ده‌س هاوردنه له‌ى ماوه‌ى دوياخره، وه‌لێ له هه‌مان وه‌خت وشدارييش دا له غافڵبوين كه‌فتنه‌وه‌ى كرده‌وه‌يل تازه‌ى ترۆريستى.
غوتيريش له راپۆرتيگ ك بڵاو كريا له نه‌ته‌وه‌يل يه‌كگرتگ ئاماژه وه ئه‌وه كردگه ك ريكخرياگ ترۆريستى داعش ئاڵشتكارى له ته‌كتيك تايبه‌ت خوه‌ى ئه‌كاو هه‌وڵ فيشتر ئه‌ياد ئه‌را جيوازكردن چالاكيه‌يلى له ناوچه‌يل كيشمه‌كيش چه‌كدارى ئه‌را ده‌وڵه‌ته‌يل تر.
غوتيريش هه‌ميش وت: ريكخرياگ داعش په‌يوه‌نديه‌يلى وه‌ل شانه‌يل ترۆريستى له ده‌وڵه‌ته‌يل جياجيا ئه‌يه‌رێده كار له‌وه‌ر دانانه‌وه‌ى پلانه‌يل تازه‌ى ترۆريستى و هه‌ر وه‌و خاتريشه وه‌سيله‌ى جوراوجوور ئه‌يه‌رنه كار ئه‌را په‌يوه‌نديكردن وه لايه‌نگره‌يليان و وه‌سه‌ربازكردن لايه‌نگره‌يل تازه.