شەفەق نیوز ــ غەزە
وەلای کەمەو بیس فەلەستینی گیان لەدەسدا و دەیان کەسیش زەخمداربوی لە غەزە، وەپای سەرچەوەیگ پزیشکی فەلەستینی.
سەرچەوەگە راگەیان، رویداوەگە مەوقەیگ رویدایە کۆمەڵیگ لە دانشتگیل رەسینەس ئەرا بارهەڵگریگ دەسمیەتی کە لەبان رییگ قیرتاونەکریاگ بویە، بویەسە مدوو پلیانی لەناوەین کووبونەوی مەدەنیەیل.
وتیش، فرەیگ لە قوربانیەیل دانشتگ ناوچەیل زەرەد وەخوەی دین کە وەدەس نەوین ئاسایش خوەراکی تونیگ ناڵن، مەوقەی چەوڕێکردن ئەرا دەسمیەتی بارهەڵگرەیل گیان لەدەسدان.
لەماوەی مانگەیل کۆتاییە غەزە چەندین رویداو هاوشیوەی یە خوی دی، لە ئەنجام سەدان کەس کوشیان و زەخمداربوین لە وەخت تەقەلایەیل وەرگردن خوەراک، کە رێکخریاگەیل مرۆیی بارودۆخەگە وە "کارەساتیگ بی پیشینە" ناوبەن.