شەفەق نیوز/ وەپێچەوانەی وتارە فەرمیەگان لوبنان و عراق، سوپای لوبنانی لیستیگ وەناو ئەو دەوڵەتەیلە بڵاو کەێد ک هاوکاری لوبنان کردنە لەدویای تەقینەوەگەی بەندەر بەیروت، بەڵکم ناو عراق لەناوی نەوی ک یەکەمین هاوکارەگان بوی.

دەسەی ناوەندی ئەرا وەڕێوبردن باوەت هاوکاریە پزشکی و خواردەمەنیەگان و تیمەیل مینەکردن ورزگارکردن و تیمە پزشکیەگان، ک سوپا لەدویای تەقینەوەی بەندەرەگە دروسی کرد، دەسکردنە ئەرکەیلیگ ئەرا وەرگردن و دابەشکردن ئەو هاوکاریەیلە ک دەوڵەتە برادەرەگان پێشکەشی کردنە.

سوپای لوبنانی لە ماڵپەڕە ئەلیکتڕۆنیەگەی لیستیگ بڵاوکرد، ئاژانس شەفەق نیوز چەودیریی کرد، ئەو دەوڵەتەیلە هاناوی ک هاوکاری پزشکی و خواردەمەنی پێشکەش کردنە، و عراق دیاری نەوی لەناو ئی لیستە:

چیکیا: تیمیگ مینەکردن و رزگارکردن لە ٣٦ کەس و ٤ سەگ پۆلیسی.

پۆلەندا: تیمیگ مینەکردن و رزگار کردن لە ٥٥ کەس و ٤ سەگ پۆلیسی و١٢ پزشک.

هۆڵەندا: تیمیگ مینەکردن و رزگار کردن لە ٦٥ کەس  تیمیگ پزشکی هاناویان و تیمیگ لە وەرگری مەدەنی و ئەندازیاری و ٨ سەگ پۆلیسی.

بەلجیکا: فڕۆکەیگ لە دەرمان و ئامێر پزشکی.

ئیتالیا: تیمیگ مینەکردن و رزگار کردن لە ١٨ کەس وتیمیگ پزشکی و ئەندازیاری هاناویان.

فەڕەنسا: تیمیگ مینەکردن و رزگار کردن لە ٥٥ کەس و ٣ سەگ پۆلیسی.

ئەڵمانیا: تیمیگ  وەرگری مەدەنی لە ٥٠ کەس، وتیمیگ پزشکی لە ٥ پزشک ئەرا بردن زەخمداریە سەختەگان ئەرا ئەڵمانیا.

ئوردن: تیمگ پزشکی لە ٩٩ کەس وەگەرد تیمیگ پسپۆڕ، و خەسەخانەیگ مەیدانی وە ٤٨ شەوخەف.

ئەمریکا: دوو فڕۆکەی خواردەمەنی، و سێەمەگە شەو رەسێد هاووکاری پزشکی هاناوی.

قەتەر:  تیمیگ مینەکردن و رزگار کردن لە ٤٥ کەس، دوو خەسەخانەی مەیدانی هەر یەکیگیان وە ٥٠٠ شەوخەف، و رەوانەکردن دوو فڕۆکە لە رووژیگ، ئەرا ماوەی ٣ رووژ وە خواردەمەنی و پێداویست پزشکی.

تورکیا: تیمیگ پزشکی لە ٣٧ کەس، تیمیگ مینەکردن و رزگار کردن لە ١٧ کەس، و خواردەمەنی.

کوەیت: فڕۆکەیگ لە هاوکاری پزشکی وخواردەمەنی.

یونان: تیمیگ مینەکردن و رزگار کردن لە ١٢ کەس و یەک سەگ پۆلیسی.

ئیران: خەسەخانەیگ مەیدانی و هاوکاری پزشکی.

جەزایر: تیمیگ مینەکردن و رزگار کردن لە ٣٩ کەس، وتیمیگ پزشکی لە ١١ کەس، و هاوکاری پزشکی و خواردەمەنی.

مەغریب: خەسەخانەیگ مەیدانی وەگەرد تیمیگ پزشکی لە ٦٠ کەس، و هاوکاری خواردەمەنی و پزشکی.

عومان: هاوکاری پزشکی.

پاکستان: هاوکاری خواردەمەنی و پزشکی.

تونس: دوو فڕۆکەی هاوکاری خواردەمەنی و پزشکی.

کازاخستان: تیمیگ پزشکی، و هاوکاری خواردەمەنی و پزشکی.

میسر: هاوکاری پزشکی.

ئیماڕات: هاوکاری پزشکی.

سویسڕا: هاوکاری مرۆیی ئەرا سوپای لوبنانی.

سعودیە: دوو فڕۆکەی كه‌لوپه‌ل ماڵی وهاوکاری خواردەمەنی و پزشکی.

بەحرەین: هاوکاری  پزشکی.

فەرماندەی سوپای لوبنان دیاریکرد ک خوەی هیچ هاوکارییگ لە هەر دەوڵەتیگ رەت نێکەێد، و ئیسە هاوکاریەگان وەگورەی پێویستیەگان دابەش کەێد، وەتایبەت پێکهاتەیل بیناکردن و هاوکاری خواردەمەنی و پزشکیەگان.