شەفەق نیوز ـ تەهران

وەزیر دەرەوەی ئیران عباس عراقچی، ئمڕوو شەممە، جواو قسەیل هاوتا فەرەنسیەگەی جان نوێل بارۆ دا لەبان بارودۆخ ئیران، و میژوو فەرەنسا لە داگیرکاری ئەرا جەزائیر هاوردەو هویر، و پەیامیگ تون ئاڕاستەی کرد و  وت: "ئەسر تیمساحی بەسە".

عراقچی، لە پەیامیگ ئەرا بارۆ وت: "ملیۆنیگ و نیم لە جەزائیریەیل وە دەس فەرەنسا کوشیان لە ماوەی جەنگ سەروەخۆیی وڵاتەیلیان"، و دیارییکرد "پاریس وە فەرمی کەمتر لە دەییگ لەوانەگ توومار کردیە، باوجی هێمان رەت کەن  داوای وەخشین بکەن ئەرا تاوانەیل داگیرکارییان".

وەزیر دەرەوەی ئیران لەبان سەکوو "إکس" نوسان: "جەناب بارۆ، ئەسر تیمساحی بەسە. بیدەنگید لەو وەختە کە ئەمریکا کۆمەڵکوژی لە دژ زاڕوویەل خوەنەوارمانکرد کرد گشت قسەیگ ئوشێد".

وەزیر دەرەوەی فەرەنسا جان نوێل بارۆ قسەیلیگ لەبان بارودۆخ ناوخوەیی ئیران کردوێد و لەتی وتوێد: "بایەد ئیرانیەیل ماف ئەوە دابین بکەن کە خوەیان چارەنویس خوەیان دیاری بکەن، و بایەد رێز لە مافەیل بنەڕەتییان بگیڕیەێد".

ئەی قسەیل عراقچیە لە چوارچمگ دەمەقالیگ گ دیپلۆماسی لەناوەین تەهران و پاریس تێد لەبان هەڵوێستەیل فەرەنسا لەبان ئاڵشتکاریەیل ئیران.