شەفەق نيوز/ عەباس عراقچی وەزیر دەیشت ئیران، ئمڕوو سێشەممە، دووپات لە وسیان جەنگ دژوە ئیسرائیل کرد، ئەوەیش وەرجە 3 ساعەت لە رەسین ئاگربەسی ئەرا ئاست جیوەجیکردن لە ساعەت 7 شەوەکی.

عراقچی لەبان پلاتفۆرم "X" نویسان: ئۆپراسینەیل هینە چەکدارەیل مەزن ئیمە وەردەوام بوین لە سزادان ئیسرائیل وەبان دوژمنایەتیی تا دویاترین چرکە تا ساعەت چوار شەفەق.

وتیش: وەگەرد گشت ئیرانیەیل سوپای لە هیزەیل چەکدار ئازامان کەن کە وە گشت ئامادەیی مەن ئەرا وەرگریکردن لە نیشتمان ئازیزمان تا دویاترین تک لە خوینیان، کە وەڵام هەر پەلاماریگ لەلایەن دەژمن دادەو تا دویاترین چرکە.

 وەرجە ئی راگەیاننە، پۆستیگ ترەک لەلایەن عراقچی بڵاو بوی کە وت: ئەگەر رژیم ئیسرائیل دوژمنایەتی نایاسایی لەبان گەل ئیران وەرجە ساعەت چوار شەوەکی وە وەخت ئیران وسانەو، ئیمەیش نیاز وەردەوامبوین لە وەڵامدان سەربازی دویای ئی مەوقە نەیریمن، دیاری کرد کە کۆتا بڕیار لەباوەت وسیان ئۆپراسیۆنەیل سەربازی دویای ئەوە بریەید.

  وتیش: ئیران چەنای چەنیگ دیاری کرد کە دوژمنایەتی لەلایەن رژیم ئیسرائیلەو هات، و وەڵامدان تەهران لە چوارچیوەی وەرگریکردن شەرعی لە خوەی هات.

دۆناڵد ترەمپ سەرۆک ئەمریکا باوەڕ خوەی ئاشکرا کرد کە ئاگربەسی ناوەین ئیسرائیل و ئیران دەسمیەتی دەێد لە کۆتاییهاوردن جەنگ ناوەینیان.