شەفەق نیوز - واشنتۆن

داتایەیل وەزارەت جفتکاری ئەمریکی، ئمڕوو دوشەممە، چەوەڕێ ئەوەگ کرد هاوردەکردن برنج وەلایەن عراق بڕەسێدە نزیکەی دو ملیۆن تەن لەماوەی ساڵ بازرگانی ۲0۲6-۲0۲۷، ئەرا پاراستن شوین خوەی لە ناو دیارترین وڵاتەیل هاوردەکەر ئەرا ئی کەرەسە لە جیهان.

وەپای داتایەیل فەرمانگەی جفتکاری  سەر وە وەزارەتەگە کە ئاژانس شەفەق نیوز ئاگاداری بوی، چەوەڕێ کرێەێد هاوردەکردن عراق لە ئاست دو ملیۆن تەن جێگیر بوود، بی ئاڵشتکار لە مەزەنەیل ساڵ بازرگانی ۲0۲5-۲0۲6.

داتایەیل نیشان دان کە هاوردەکردن برنج لە عراق بەرزەو بوی ئەرا ۲.۱۸۱ ملیۆن تەن لە ساڵ بازرگانی ۲0۲4-۲0۲5، لە وەرانوەر ۲.۱۲5 ملیۆن تەن لە ۲0۲۳-۲0۲4، و ۱.۸45 ملیۆن تەن لە ۲0۲۲-۲0۲۳.

لە ئاست جیهانی، داتایەیل چەوەڕێ بەرزەوبوین بازرگانی برنج کرد ئەرا 6۳.۱۲5 ملیۆن تەن لە ساڵ بازرگانی ۲0۲6-۲0۲۷، لە وەرانوەر 6۱.۳45 ملیۆن تەن لە ۲0۲5-۲0۲6.

هیندستان لە بان لیست وڵاتەیل هەناردەکەر برنج لە جیهان هات، وە هەناردەکردنیگ کە چەوەڕێ کریەێد بڕەسێدە ۲5 ملیۆن تەن، لە دویای ئەوە ڤێتنام وە 8 ملیۆن تەن، و دویای تایلاند وە 7.5 ملیۆن تەن، و پاکستان وە 5 ملیۆن تەن.

فلیپین لە  وڵاتەیل هاوردەکەر هات وە چەوەڕێیەیلیگ کە رەسێدە 5.6 ملیۆن تەن، لە دویای ئەوە ڤێتنام وە 4 ملیۆن تەن، و دویای چین وە ۳.۳ ملیۆن تەن، و نەیجیریا وە ۲.۹ ملیۆن تەن، لە وەختیگ چەوەڕێیەیل تایبەت وە هاوردەکردن عراق رەسیە دو ملیۆن تەن.