شەفەق نیوز - تاران
عەباس عەراقچی، وەزیر دەیشت ئیرانی، ئمڕوو شەممە، دووپات کرد کە وڵاتەگەی تا ئیسە هیچ دانوسەنینیگ وەگەرد ویلایەتە یەکگرتگەیل نەکردگە، وتیش کە گلەوخواردن دەریاچگنی لە گەروو هورمز هەوەجە وە جیوەجیکردن مەرجەیل تاران دیرێد.
عەراقچی لە دیمانەیگ وەگەرد رووژنامەی "شەهرئارا"ی ئیرانی وت، کە ئیران بڕیار دووارە دەسپکردن وە دانوسەنینەیل وەگەرد ویلایەتە یەکگرتگەیل نەیاس، و ئەو نامەیلە کە لەڕی قەتەر و پاکستانەو کل کریەین وە دانوسەنین هەژمار نیەکریەین.
دیاری کرد کە دانوسەنینەیل جیا وەگەرد سوڵتاننشین عومان دووپات لەبان دیاریکردن ریڕەویگ دەریایی لەڕی گەروو هورمز کردنە، لە وەختیگ کە بایەسە ویلایەتە یەکگرتگەیل مەرجەیل ئەرا دووارە دەسکردن جۊلەی بارهەڵگری لەڕی ئی رێڕەو ئاوییە جیوەجی بکەێد.