شەفەق نیوز/ بەیاننامەیل حکومەتی، دەرخستن ک وڵات هندستان، هەڵڤوڵان گەورەیگ لە سیمایل کەشوهەوای تون لەی ساڵە وەخوەی دیە، جویر گەرمی و تریشقە، وەگەرد بەرزەوبوین مردنەیل وەوە ئەرا بەرزترین ئاستی، لە وەختیگ زانایل ئویشن ئەوە لەوەر ئاڵشتبوین کەشوهەوا هاتیە.
وەزارەت زانستەیل زەوی، لە راپۆرتیگ وت: شەپوولەیل گەرمی ئەرا هەشت قات بەرزەو بویە، و شمارەی رەسیە ٢٧، و ئەور و تریشقە ئەرا ١١ قات بەرزەو بویە، و ٩٠٧ کەس کوشتیە.
ئی رویداوەیلە بوینە هوکار کوشیان ٢١٨٣ کەس لەی ساڵە تا مانگ گوزەشتە، ک یە گەورەترین شمارەس لە ساڵ ٢٠١٩ تا ئیسە.
بەیاننامەیل نشان دان ک ئەور و بەڵاچە و لافاوەیل و وارانە رفتەیل بوینەسە هوکار ٧٨ لە سەد ئی مردنەیلە لەی ساڵە.
ریخریاگ تەندروسی جەهانی ئویشێد: لەناوبەین ساڵەیل ١٩٩٨ تا ٢٠١٧ زیاتر لە ١٦٦ هەزار کەس لەوەر شەپوولەیل گەرمی لە ئاست جەهان مردنە.