شه‌فه‌ق نيوز/ ده‌سڵاته‌يل ته‌ندروستى له كه‌نه‌دا باس له‌وه كردن ك وه‌لاى كه‌مه‌و 19 كه‌س مردنه له كيبيك وه بوونه‌ى شه‌پۆل گه‌رمى ك روێ له روژهه‌ڵات وڵاته‌گه كردگه له كوتايى ئى هه‌فته.
له‌ى باوه‌ته‌و ميلين دروان وه‌پرس هه‌رێمايه‌تى له كاروبار ته‌ندروستى گشتى له مونترياڵ وت: شماره‌ى ئه‌و كه‌سه‌يله ك مردنه وه بوونه‌ى شه‌پۆل گه‌رمييه‌و له مونترياڵ تائيسه ره‌سيه‌سه 12كه‌س.
روژنامه‌ى "لا تريبون"يش له زووان ده‌سڵاته‌يل ته‌ندروستى ناوچه‌يى وت: 5 كه‌سيش له ماوه‌ى 48 سه‌عات له ناوچه‌يل رۆژهه‌ڵات كيبيك پايته‌خت مردنه‌و دو حاڵه‌ت تر مردنيش تازه وه هه‌مان هووكار مردنه.