شه‌فه‌ق نيوز/ ده‌سڵاته‌يل يابانى و پياوه‌يل ئاگركوشنه‌وه‌ى ئه‌و وڵاته‌، باس له‌وه‌ كردن ك شماره‌ى قوربانيه‌يل ئه‌و زه‌ويه‌له‌رزه‌ ك كه‌فته‌و له‌ دويرگه‌ى هوكايدۆ له‌ باكوور يابان ره‌سيه‌سه‌ 110 كه‌س بيجگه‌ ئه‌وه‌ 19 كه‌سيش بيسه‌روشوونن.

له‌ى باوه‌ته‌و، ده‌سه‌ى ئاماره‌يل زه‌ويناسى ئه‌مريكى ئه‌وه‌ ده‌رخست ك ئه‌و زه‌ويه‌له‌رزه‌ وه‌هيز 6.7 پله‌ بويه وه‌ پێوه‌ر ريخته‌ر جه‌هانى ك كه‌فته‌سه‌و له‌ باكوور يابان.

ده‌سه‌ى ناوبرياگ باس له‌ويش كرد ك سه‌نته‌ر ئه‌و زه‌ويه‌له‌رزه‌ وه‌ دويرى 66.9 كيلۆمه‌تر له‌ باشوور خوه‌رهه‌ڵات شار سابورو له‌ دويرگه‌ى هوكايدۆ بويه‌و وه‌ قويلايى 39 كيلۆمه‌تر.