روفین مێنێکدیوێلا، وەڕێوەبەر نووسینگەی UNHCR لە نیویۆرک، لە ناو گردەوبوین ئەنجومەن ئاسایش کە تایبەت بوی وە قەیران کووچبەرەیل لە دەریای ناوڕاس، وت: تا ٢٤ ئەیلول زیاتر لە ٢٥٠٠ کەس لە ساڵ ٢٠٢٣ کوشیانە یا بیسەروشوین بوینە.
وتیش "ڕی شمارە دوو لەبان سێ زیای کردیە لە وەختیگ کە لە گشت ماوەی ساڵ ٢٠٢٢، ١٦٨٠ کەس زیای کردیە".
لە ساڵەیل گوزەشتە دەریای ناوڕاس بویەسە قەورسانیگ ئەرا ئومید ئەو کەسەیلە کە تەقەلا دانە وەرەو ئەوروپا رەد بوون، و وەگەرد تەقەلای وساننیش، بەلەمەیل نایاسایی شەکەت نیەوون لە تەقەلای جیوەجیکردن کاریان.
وەتایبەت لە ئیتاڵیا شمارەی کووچبەرەیل وە شیوەی وەرچەویگ زیای کردیە و تا مانگ تەمموز ئمساڵ زیاتر لە ٦٠ هەزار کوەچبەر وەرگردیە، لە وەختیگ ساڵ گوزەشتە کەمتر لە ٢٧ هەزار کووچبەر بویە.
لە ساڵ ٢٠١٤ەو تا ئیسە زیاتر لە ٢٠ هەزار مردن توومار کریایە، وەدرویژایی ری دەریایی مەرگبار لە ناوەین باکوور ئەفریقا و کەنارەیل باشوور ئەوروپا.
وەگورەی ئامارەیل ئاژانس پاسەوانی سنوور و کەناراوەیل ئەوروپا، لە ساڵ ٢٠١٥ەو نزیکەی ٣٠٠ هەزار کەس لەناو تەقەلای رەدبوین لە دەریای ناوڕاس ڕزگار کریانه.