شەفەق نیوز/ وڵاتەیل یەکگرتگ، ئمڕوو چوارشەممە، راگەیانن، شمارەی ئەو ئاوارەو و پەنابەرەیلە لە جەهان ک ناچاربوین میلکان خوەیان وەجیبیلن، رەسیە 110 ملیۆن کەس.
کۆمیسار باڵای وڵاتە یەکگرتگەیل ئەرا کاروبار پەنابەرەیل لە راپۆرتیگ سالانە راگەیان، " لەکۆتای ساڵ پارەکە 108.4 ملیۆن کەس ئاوارە و پەنابەر بوین".
دیاریکرد، لەومەوقەو تا ئیسە ئی شمارە دووملیۆن زیایکردیە، وە مدوو ئەو جەنگە ک لە سوودان دروسبویە.