شەفەق نیوز ــ ئەمریکا

شەفەق نیوز/ دەسەی کەشناسی نیشتیمانی ئەمریکا هووشداریدا لە ئەگەر واران وارین رفتیگ دویای 10 رووژ ترەک لەناوڕاس تەکساس، کە لە  لە ریۆ گراند خوەرهەڵاتەو  تا سان ئەنتۆنیۆ ئۆستن درویژەوبوود، یەیش دویای ئەوەگ تێد واران رفتیگ لە 4 تەموز واری و وە مدوویەو تا ئیسە 131 کەس گیان لەدەسداس و شمارەیگیش بی سەروشوینن.

هێمانیگ تیمەیل مینەکردن وە درویژایی چەم  گوادالوپی وە دویای قوربانیەیل گەردن، تەمێ دانشتگەیل ناوچەگەش کرد، بچنە شوینەیل بەرزترەک لەوەگ خوەیان، تا ئەو هەرەشە کە هووشداری لەبانی دریاس رەدبوود.

گرەیگ ئابۆت، پارێزگار ویلایەت تێکساس راگەیاندیە، لە 4ـ تەمموزەو تا ئیرنگە وە  لایکەم 131 کەس وە مدوو لافاوەگە گیان لەدەسدایە، وتیش: ئەوانەگ گیان لەدەسدانە زیاتر لە شار   کێرڤیل و دەوروگەردی بویە.

دیاریکرم، هێمانگ 97 کەس لە ناوچەی  کێرڤیل بیسەروشوینن، لە وەختیگ کە دەسڵاتدارەیل هەفتەی وەرین راگەیانن زیاتر لە 160 کەس بیسەروشوینن.