شەفەق نیوز/ سنەدیکای پزشکەیل سودان، ئمڕوو شەممە، بەرزەوبوین ئامار قوربانیەیل مەدەنی لە رویوەڕیوبوین ناوبەین سوپا و هیزەیل پاڵپشتیکردن زوینە ئەرا ٤١١ کوشیاگ و ٢٠٢٣ زەخمدار بەرزەو بوی.
سەندیکای پزشکەیل سودان لە بەیاننامەیگ وت: هیمان جەنەگە وەردەوامە ناوبەین هیزەیل پاڵپشتیکردن زوینە و هیزەیل چەکدار.
وتیش: شمارەی مردنەیل لە وەخت دەسکردن وە رویوەڕیوبوینەگە تا ئیسە رەسیە ٤١١ کەس مەدەنی، وەگەرد ٢٠٢٣ زەخمدار.
وتیش: بڕیگیش مردن و زەخمداری هەست کەد لەناو ئی ئامارە توومار نەکریانە، و توانای رەسین ئەرا خەسەخانەیل لەسای سەختی هامشوو لە وڵاتەگە نییە.
یەیش لە وەختیگ تیەێد ک سودان لە رخبەرترین جەنگ و رویوەڕیوبوین ناوخوەیی رەسیە ١٤ رووژ، وەبی هویچ نشانەیگ ئەرا ئارامییگ وەی نزیکە.