شەفەق نیوز/ وەڕێوەبەرایەتی قەیرانەیل پارێزگای خوراسان باشوور، ئمڕوو یەکشەممە، راگەیان شمارەی ئەو کەسەیلە وە مدوو تەقینەوەی کان زوخالەگەی خوراسان باشوور لە ئیران گیان لەدەسدانە رەسیە زیاتر لە 50 کەس.

وەڕێوەبەرایەتیەگە راگەیان، تا ئیسە تەرم 51 کراکار لەناو کانەگەر دراوریاس و شمارەی زەخمدارەیل ها لە بەرزەوبوین و بڕیگ کراکاریش بی سەروشوینن.

محەمەد عەلی ئاخوندی، وەڕێوەبەر وەڕێوەبەرایەتی قەیرانەیل پارێزگای خۆراسان باشوور راگەیان، دوای رویداوەگە  40 کەس لە تیمەیل بەرگریی شارستانی و 13 ئەمبوڵانس رەسینەس شوین رویداوەگە و سەرجەم زەخمدارەیل ئەرا خەسخانە کلکریانە.

مردن و زەخمداری وە لایەن کەم  36 کەس وە تەقینەوەیگ لە ئیران

شەوەکی ئمڕوو، تەلەفزیۆن فەرمی ئیران خەوەردا لە کوشیان وەلای کەم 19 کەس و زەخمداری 17 کەس لە ئەنجام تەقیان غاز لە کان سوخال لە هەرێم خوراسان باشوور.

وەپای دەزگا راگەیاننەیل ئیران، تا ئیسە 30 کەس لەناو کانەگە گیرکردنە، کە رویوەروی  تەقیان غاز میسان لە کەرت دویەم و سیەم بوینە، کە وەلایەن کۆمپانیای مەعدەنجوو وەڕیوەبرێد.

وتیش " وە گشتی لە وەخت تەقینەوەگە 69 کراکار لەناو دوو کەرتەگە بوینە".