شەفەق نیوز/ جۆک ئۆغڵو شرۆڤەکار سیاسی تورک، ئمڕوو چوارشەممە، مەزەنە کرد کە هیزەیل تورکی لەناو زەویەیل عراق و سوریا دەرچن، هەمیش مەرەقەزکردن عەبدولڵا ئۆجەلان ریبەر پەکەکە، ئەگەر ناوچەگە ئارامەو بوی، دویای جیوەجیکردن داوای ریبەری وە وازهاوردن لە چەک و هەڵوەشانن خوەی.

ئۆغڵو ئەرا ئاژانس شەفەق نیوز وت: حکومەت تورکیا لە رەفتار دوایین کورد رازیە، کە هەڵوێست پەکەکە لە عراق و تورکیا ئەوەسا خاس بوود، و یەیش دیارە کە سەرکەفتن سیاسیە ئەرا حکومەت تورکی، وە ئاسانی وەرەو ئاشتی چوود، وەتایبەت ناوچەگە کەفتیەسە رەوشەیل ناسک.

وتیش؛ حکومەت تورکیا پیشوازی لە داوای ئۆجەلان کرد، و ئەگەر ناوچەگە ئارامەو بوی، دەسوە دەرچگن هیزەیلی لە زەویەیل عراق و سوریا وەینزیکە کەێد، وەتایبەت لەژیر سای وەردەوامی هەماهەنگی وەرد بەغداد و دەیمەشق لەڕوی سیاسی و سەربازی و هەواڵگری، و هاتێ بڕیارەیل بڕەسنە دەرکردن ئۆجەلان لە زیندان ئەرا زیندانیگ لەناو ماڵ خوەی.

  جی باسە کە پەکەکە لە رووژ شەممە یەک ئادار بڕیار ئاگربەسی دا، ئەوەیش لە وەڵامدان بانگەواز میژووی ریبەری عەبدوڵلا ئۆجەلان کە لەناو زیندانەگەیەو لە دوورگەی ئیمرالی داوا لە حزبەگە کرد چەک دانەێد و خوەی هەڵوشنێد، ئەوەیش دویای 40 ساڵ لە جەنگ وەرد دەوڵەت تورکیا.

و رووژ دووشەممەی گوزەشتە، هەسەدە و ئەحمەد شەرع سەرۆک سوریا، رێکەفتن تیکەڵایی هیزەیلی لەناو دەزگایەیل فەرمی واژوو کردن.