شەفەق نیوز/ کۆشک باکنهام، ئمڕوو پەنجشەممە، وت: شاژن ئێلیزابێت دویەم خریا ژیر چەودیریکردن پزشکی، چوینکە پزشکەیل لەبان تەندروسیی نیگەرانن، ک کەسەیلیگ لە خانەوادەی خیزانە شاهییەگە، وە زوی خویان رەساننە ئەسکوتلاندا تا لەلای شاژن ٩٦ ساڵی بوون.

کۆشکوگە ڕازی نەوی هویردەکاریەیلیگ زیاتر لە مەترسی رەوش شاژن بیەێد، باوجی نشانەیلیگ دیار بوین، ک لیز تراس خانمە سەرۆک وەزیرەیل وت: "دەوڵەتەگە گشتی هەس وە نیگەرانی قویلیگ لە خەوەرەیل کەێد"، و سیاسەتکارەیلیگ باس بیزارییان کردن.

راگەیانن کۆشکوگە دویای رووژیگ لە پویچەڵکردن گردەوبوینیگ ئەرا ئەنجومەن تایبەت لەلایەن شاژن هات، دویای ئەوەگ پزشکەیل تەمەی هوچانیگ ئەرای کردن، دویای یەک رووژ لە رویداوەیل سێشەممە، هەنای داوا لە تراس کرد بوودە سەرۆک وەزیرەیل.

قسەکەریگ وەناو کۆشکەگە، وە مەرجیگ ئاشکرای ناسنامەی نەکریەێد، وت: دویای بڕیگ هەڵسەنگاندن وەی شەوەکیانە، پزشکەیل شاژن نیگەرانن لەبان تەندروسیی.

هیمان شاژن ئاسوودەس و ها بالمورال

شازادە چارلز، خاوەن میراتی تەختەگە، وەگەرد کامیلای ژنی، و شازادە ئان خوەشکی، هانە گەرد شاژن لە بالمورال، شوین داکاسیان تاوسانیی، لە ئەسکوتلاندا.

شازادە ویلیام، کوڕ گەورەی چارلز، ئەویش ها ڕیەو وەرەو بالمورال، هەمیش شازادە هاری وەگەرد ژنەگەی میگان و شازادە ئاندرۆ وئیرل و کۆنتیسە ویسیکس.

ئی گردەوبوینە لە ماڵەگەی ویندسور دویای تەنیا سێ مانگ تیەێد لە کۆتایی پشوو دویادویای هەفتەی درویژیگ لە ئاهەنگ رەدبوین ٧٠ ساڵ لە رووژیگ شاژن نیشتیەسە بان تەخت.