شەفەق نیوز/ دەسەڵاتەیل ئیران، فەرمان بەسیان مەکتەو و نویسنگەیل لە دە پارێزگا دەرکرد، ئەرا وەپشتدەسخستن وزە، لە وەختیگ وڵاتەگە کەفتیەسە وەر شەپوول سەردی سەختیگ.

ئاژانس خەوەری کۆمار ئیسلامی ئیران "ئیرنا" وت: دەسەڵاتەیل گشت نویسینگەیل حکومەتی و مەکتەوەیل لە رووژ یەکشەممە بەسان، و خوەنەواری بە دویرەو رێککردن.

لە ماوەی ئی چەن رووژە پلەی گەرمی یەخین داد لە میانەی باکوور وڵاتەگە، کە بویە بەرزەوبوین لە وەکارهاوردن وزە.

لەناو ئەو کە پارێزگا، لوڕستان لە خوەرئاوا، و سمنان لە خوەرهەڵات، و غیلان لە باکوور.

 ئی بڕیارە دویای ئیجویر ریکاریگ هات دویەکە شەممە، هەناێ فەرمان دامودەزگایل زیاتر لە 20 پارێزگا دریا، لەوەر سەختی کەشوهەوا.

دویەکە شەممە، تەهران پایتەخت بەسیا، و ئمڕوو یەکشەممە دووارە وازەو بوی، کە هەرچەن وەفریش وارێد رووژ کارە.

 ئیرنا وتیش؛ بەشیگ لە ناوچەیل تەهران نزیکەی 30سم وەفر لە شەو شەممە لەبان یەکشەممە لەناویان واریە.

لەوەر وەفروارین، هامشوو لەناو شارەگە وەشیوەی فراوانیگ وسیا.

بەشیگ لە خەڵکەگە دینە هەناێ وەفر لە کەنار جادەیل ماڵن، و کەسەیلیگ ترەک ئارا بازیکردن وە تووپەیل وەفرین چگن. 

وەفروارین لە  مانگ شوبات چشتیگ ئاساییە لە تەهرانڕ وەلێ ئمساڵ وەناکاوەو وە خەسی واریە، وەگەرد داوەزیانیگ چەوڕینەکریای لە پلەی گەرمی.

 وەفروارین و واران رفت لە فرەی ناوچەیل وڵاتەگە رووژ یەکشەممە، ریەیل بڕیە.

ئاژانس ئیرنا وتیش؛ رەوشەیل کەشوهەوا ریوبانەیل لە 25 پارێزگای وڵات بڕیە. 

دەسەڵاتەیل تەمەی هاوڵاتیەیل دان لە ماوەی 24 ساعەت ئایندە وەرەو ئی شوینەیلە نەچن.

پلەی گەرمی لەلای کەمەو لە 19 پارێزگا ئارا سفر یا خوارتری داوەزیا.