شەفەق نیوز- ئیسلام ئاباد

سەرۆک وەزیرەیل پاکستانی شەهباز شەریف، دووپات کرد کە وڵاتەگەی وە تونی و هاوپشتی وسێدە شان سەرکردایەتی سعودیە و گەل سعودیە لە وەرانوەر پەلامارەیل حووسییەیل.

 شەریف لەڕی پۆستیگ لەبان سەکوو "ئێکس"، سەرکۆنەی ئەو پەلامارەیلە کرد کە حووسییەیل کەنەی بان شانشینەگە، وە تایبەت ئامانجگردن فڕۆکەخانەی ناودەوڵەتی مەلیک خالید لە ریاز و فڕۆکەخانەی ئەبها، کە ئەنجام دا وە کەفتن قوربانییەیل و زەخمدارەیل لە مەدەنییەیل.

شەریف ئافەرین لە "هوشیاری بەرز و پیشەییبوین" کرد کە هیزە چەکدارەیل سعودیە و هیزەیل هاوپەیمان نیشانی دان لە نواگیریکردن مووشەکە بالیستییەیل، و نرخ تەقەلایەیلیان زانست لە پاراستن گیانەیل و پارێزگاری لە ئاسایش شانشینەگە.

 داوا لە گرووپ حووسی کرد، وە وسانن ئی پەلامارەیلە دەسوەجێ، وە دیاریکردن ئەوەگ پاکستان مینێدە پشت ریاز لە وەرانوەر هەر هەڕەشەیلیگ.

 لێدوانەیل شەریف دۊای چەن رووژیگ کەم لەبان کاراکردن "نواگیریکردن وەبڕەو" لە ناو چوارچبوەی "هاوپەیمانی مەککە" ئەرا وەرگری هاوبەش تیەێد.

 وەزیر وەرگری سعودی خالید بن سەلمان لە 5 تشرین یەکەم/ ئۆکتۆبەر راگەیانۊ لەباوەت گردەوبوین لەناکاو ئەرا دەسەی ستراتیژی سیاسی و وەرگری هاوپەیمانییەگە، کە سعودیە و پاکستان و تورکیا لەخوەی گرد.