شەفەق نیوز/ وەرپرسەیلیگ لە کۆریای باشوور، هوشداری دان ک ئاژەڵەیل دەسی بوونە هووکار ئاگرەیل درەیگ لەناو ماڵەیلە، وەگەرد هوشداریکردن خاوەن پشیەیلە ئەرا مقیەتیبۊین.
ئی هوشداریە هات هەنای دەزگای ئاگرکپکردن و کارەسات لە سیۆل پایتەخت مەزەنە کرد ک شایەت پشی بۊیەسە هووکار زیاتر لە ١٠٠ ئاگر لە سێ ساڵ گوزەشتە.
وەگورەی سەرچەوەیلە، پشیەیل فرەیگ لە کۆریای باشوور تۊنستنە سۆپە و تەباخ کارەبایی بخەنە کار.
شۆنگ گیو شول وەرپرسیگە لە دەزگاگە وت: ئی رووژەیلە ئاگاداریەیلیگ لە ئاگرەیلیگ رەسینە ک پشی بۊیەسە هووکاری، وەتایبەت هەنای خاوەن ماڵەیلە لەدەیشت بۊینە.