شه‌فه‌ق نيوز/ حكومه‌ت ئه‌ڵمانى روێ وه‌ڕوێ داواكاريه‌يليگ هاته‌سه‌و ئه‌را له‌باوه‌ت وسانن هه‌نارده‌ێ چه‌ك ئه‌را توريا، ئه‌ويش دوياى ده‌ركه‌فتن راپۆرته‌يليگ باس له‌وه ئه‌كه‌ن ك سوپاى توركى دبابه‌يل ليوبارد ئه‌ڵمانى ئه‌يه‌رێده كار له كرده‌وه‌يل سه‌ربازيه‌گه‌ێ ئه‌را بان عه‌فرين له‌بكوور سوريا.
له‌ى باوه‌ته‌و، سياسيه‌يل ئه‌ڵمان داواى وسانن هه‌ر ريككه‌فتنيگ كردن له مه‌سه‌له‌ێ فرووشتن ده‌بابه‌يل وه توركيا، چوينكه وه‌قسه‌ێ سياسيه‌يل وسانن مه‌سه‌له‌ێ هه‌نارده‌كردن چه‌ك ئه‌را توركيا فريه دوياكه‌فتگه.
جى باسه، ئاماژه وه‌يه‌يش ئه‌كريه‌ێد ك زيغمار غابريل وه‌زير خارجيه‌ێ ئه‌ڵمانى په‌يوه‌ندى كرده‌سه وه‌زير خارجيه‌ێ توركى و نگه‌رانى وڵاته‌گه‌ێ ده‌رخستگه له‌باره‌ێ بارودوخ ئنسانى له عه‌فرين.