شه‌فه‌ق نيوز/ سوپاى سوريا شاروچكه‌ى كه‌فه‌ر عه‌ين كۆنترۆڵ كرد له‌چواچێوه‌ى پرووسه‌يل وه‌رده‌وامى له محوه‌ر خان شيخون له گونده‌وار باشوور ئدلب دژ كۆمه‌ڵه‌يل تيرۆريست چه‌كدار.
له‌و باوه‌ته‌و، هووكاره‌يل ره‌سانن رووسى ئه‌وه ده‌رخستن ك هيزه‌يل سوپاى سوورى چه‌وديرى كره‌وه‌يل سه‌ربازيى كردنه له محوه‌ر شار هه‌بيت ك نزيكه‌ى 7 كليۆمه‌تر له خان شيخونه‌و دويره دوياى كۆنترۆڵكردن شاروچكه‌ى عه‌ين كه‌فه‌ر له روژهه‌ڵات هه‌بيت دوياى جه‌نگيگ سه‌خت وه‌ل گرووپه‌يل چه‌كدار له‌ناوچه‌گه.
له‌و باوه‌تيشه‌و سه‌رچه‌وه‌يگ مه‌يدانى سوورى وت: يه‌كينه‌يل سوپا هه‌وڵ فراوانكردن ده‌سڵات زياتر ئه‌يه‌ن له ده‌ورگرد شار هه‌بيت ستراتيجى له گونده‌وار باشوور ئدلب و هه‌وڵ كۆنترۆڵكردن ئاوايه‌يل و كێڵگه‌يل ده‌ورگرد شاره‌گه ئه‌يه‌ن وه‌خاتر گه‌مارۆداين چه‌كداره‌يل له گونده‌وار حومات باكوور و بڕين ده‌سميه‌ت له‌ليان.