شه‌فه‌ق نيوز/ سوپاى زيمبابۆى ئاشكراى ئه‌وه كرد ك ده‌س گرته‌سه بان ده‌سڵات ئه‌را په‌لامارداين تاوانباره‌يل ده‌ورگرد رۆبه‌رت مۆگابى سه‌رۆك ئه‌و وڵاته، يه‌يش له حاڵه‌تيگ يه‌يش ده‌رخست ك مۆگابى و خيزانه‌گه‌ێ سه‌لامه‌تن.
له‌ى باوه‌ته‌و، قسه‌كه‌ر سوپاى ئه‌و وڵاته له لێدوانيگ وت: وه ئه‌نجامداين ئه‌ركه‌يل دياريكرياێ، بارودوخ ئه‌و وڵاته تيه‌ێده‌و ئه‌را بان شيوه‌ێ ئاسايى خوه‌ێ.
جى باسه، دوياى تومه‌تباركردن سوپاێ زيمباۆى وه خيانه‌ت، يه‌كسه‌ر سه‌ربازه‌يل سوپا له‌ناو هارارى پايته‌خت بڵاو بوينه‌وه‌و سه‌ره‌تايش باره‌گاى ته‌له‌فزيۆن كۆنترۆڵ كريا.