شه‌فه‌ق نيوز/ وزاره‌ت وه‌رگرى توركى ئاشكراى بوردمان ره‌تڵيگ كرد ك پيكهاتوێد له نزيكه‌ى 40 سه‌ياره‌ێ سه‌ربازى له وه‌خت چگنى ئه‌را شار عه‌فرين سورى وه‌ل كوشتن 44 چه‌كدار له چوارچيوه‌ێ كرده‌وه‌يل "چڵه‌زه‌يتون".
له‌ى باوه‌ته‌و، سه‌رۆكايه‌تى ده‌سه‌ێ ئه‌ركان سوپاێ توركى له به‌ياننامه‌يگ وت: شماره‌ى كوشياگه‌يل له ڕزه‌يل سه‌ر وه يه‌كه‌يل پاسه‌وان ملله‌ت كورد و حزب يه‌كێتى ديموكرات و ريكخرياگ داعش ره‌سيه‌سه 1873 كه‌س له سه‌ره‌تاى ده‌سوه‌پيكردن كرده‌وه‌يل چڵه‌زه‌يتون له رووژ 20 يه‌ناير گوزه‌يشت تائيسه.
ئه‌ركان توركى وت: كرده‌وه‌يل زه‌مينى و ئاسمانى له چوارچێوه‌ى چڵه‌زه‌يتون وه‌رده‌وامه ئه‌را ده‌سنيشانكردن چه‌كداره‌يل سه‌ر وه‌يه‌كه‌يل پاسه‌وان كورد و حزب يه‌كێتى ديموكرات و ريكخرياگ داعش له عه‌فرين.